Kooperatiba eta lan sozietateen inguruko datuak eguneratu dira

Kooperatiba eta lan sozietateen inguruko datuak eguneratu dira

2017/03/31

Kooperatiba kopuruak gora egin du 2016 urtean, baita berauetan lan egiten duten pertsonek ere. Lan sozietateen kasuan, nahiz eta entitate kopuruak behera egin duen, langileen kopuruak gora egin du.

Espainiako Lan eta Gizarte Segurantzaren Ministeritzak aditzera eman dituen datuek kooperatibek 2014ean hasi zuten lanpostuen susperraldiaren jarraipena adierazten dute. Zehazki, azken urtean 1.435 lanpostu gehiago erregistratu dira Euskal Autonomia Erkidegoan, hots, %2,5eko igoera izan dute 2015 urtearekiko. Gainera, entitate kopuruak ere %2,8ko hazkundea ezagutu du.

Lan sozietateei dagokienez, lanpostu kopuruak gora egin du 2015 eta 2016 bitarte, %1,7an hain zuzen ere. Honela, krisi garaitik galtzen joan diren lanpostuak berreskuratzen jarraitzen dute pixkanaka. Lan sozietateen kopuruari erreparatuz gero, honek beherakada izaten jarraitzen duela ikusten dugu, 2006 urtean hasi zen dinamika negatiboari buelta eman ezinik jarraitzen dutelarik.  

Erakundeon eta lanpostuen inguruko datu serie historikoak ikusteko, egin klik hemen.

Iturria: GEEB

 

Itzuli

Agenda